Jons Hopkins universiteti ma’lumotlariga ko‘ra, 8 iyun holati bo‘yicha dunyo bo‘ylab koronavirus infeksiyasini yuqtirib olganlar soni 7 million kishidan oshdi.Kasallanish holatlarining aksariyati AQSHda qayd etilgan, u yerda 1,9 million kishida koronavirus aniqlandi, Braziliya ikkinchi o‘rinda - 691,7 ming kishi, keyin Rossiya - 467 ming, Buyuk Britaniya - 287,6 ming, Hindiston - 257,4 ming kishi.
Dunyoda koronavirusdan vafot etganlar soni 402 mingdan oshdi. Vafot etganlar soni bo‘yicha ham AQSH birinchi o‘rinda - 110,5 ming, Buyuk Britaniya - 40,6 ming, Braziliya - 36,4 ming, Italiya - 33,8 ming, Fransiya - 29,1 ming kishi.
Universitet ma’lumotlariga ko‘ra, koronavirus infeksiyasining tarqalishi dunyoning 188 mamlakatida rasman tasdiqlandi.