Foto: Getty ImagesYaponiya hukumati koronavirus pandemiyasi sababli jabr ko‘rgan turizm sohasini tiklash maqsadida xorijiy sayyohlarga kuniga 185 dollarlik vaucherlar berish dasturini ishlab [leech=https://zamin.uz/index.php?do=go&url=aHR0cHM6Ly9rdW4udXovbmV3cy8yMDIwLzA1LzI3L3lhcG9uaXlhLXNheXlvaGxhcm5pLWphbGItcWlsaXNoLXVjaHVuLXVsYXJnYS1rdW5pZ2EtMTg1LWRvbGxhcmRhbi1iZXJtb3FjaGk%3D]chiqdi[/leech].
Ta’kidlanishicha, Go To Travel tashabbusi doirasida Yaponiyaga yo‘l oladigan sayyohlarga Kunchiqar mamlakatda o‘tkazadigan har bir kunlari uchun 20 ming iyen (185 dollar) miqdorida subsidiya berilishi mumkin. Bu haqda Kyodo News axborot agentligi xabar berdi.
Ushbu subsidiyalar sayyohlarning Yaponiyada xarajatlarning yarmigachasini qoplashi mumkin. Ular do‘konlar va restoranlarda qo‘llash mumkin bo‘lgan vaucherlar ko‘rinishida bo‘ladi. Biroq sayyohlarning Yaponiyaga borish xarajatlari qoplanmaydi.
Tashabbus iyul oxiridan amal qilishi kutilmoqda. Vaucherlarni olish uchun to‘g‘ridan-to‘g‘ri yoki Yaponiyaning turagentlikliklari orqali mehmonxona bronlash lozim bo‘ladi.
Pandemiya ko‘plab davlatlar qatorida Yaponiyaning turizm sohasiga ham jiddiy zarar yetkazdi. Koronavirus sababli mamlakatga 100 dan ko‘proq davlat va hududlardan fuqarolarning kirishi taqiqlab qo‘yilgan. Tokio Olimpiadasi bekor qilinishi ham turistik oqim o‘sishiga umidlarni yo‘qqa chiqargan. Mamlakatda aprelda mehmonxona biznesi bilan bog‘langan 31 ta kompaniya kasodga uchraganini e’lon qilgan yoki bu haqida ariza topshirishga tayyorlangan.
Ta’kidlanishicha, 25 may kuni Yaponiya bosh vaziri Sindzo Abe poytaxt Tokio va uning atrofidagi hududlarda hamda Xokkaydo orolida koronavirus pandemiyasi sababli kiritilgan favqulodda vaziyat rejimini bekor qilgan. Mamlakatning qolgan qismida bu may boshidayoq qilingan edi.