Sinovlar Dolxauzi universitetining vaksinologiya markazida o‘tkaziladi. Kanada sog‘liqni saqlash vazirligi koronavirusga qarshi vaksinani dastlabki sinovdan o‘tkazishni ma’qulladi. Bu haqda mamlakat bosh vaziri Jastin Tryudo ma’lum qildi, deb yozmoqda Kun.uz nashri.
"Kanada sog‘liqni saqlash vazirligi koronavirusga qarshi salohiyatli vaksinani dastlabki sinovdan o‘tkazishni ma’qulladi", - dedi u.
Uning so‘zlariga ko‘ra, sinovlar Dolxauzi universitetining vaksinologiya markazida o‘tkaziladi.
"Agar sinovlar muvaffaqiyatli o‘tsa, vaksinani ishlab chiqaramiz va mamlakatimizga tarqatamiz", - deb ta’kidladi u.
Kanadada bugungi kunda koronavirusga chalinganlar soni 75 mingdan oshgan, 5,5 mingdan ortiq kishi vafot etgan.