Britaniya va “katta yettilik” davlatlari Xitoyni koronavirus uchun sudga tortishi mumkin. Tashqi siyosatga ixtisoslashgan “Genri Jekson Jamiyati” tomonidan tayyorlagan va Londonda e’lon qilingan hisobotda shunday deyiladi.Yana manbada aytilishicha, Xitoy pandemiyaning haqiqiy ko‘lamini yashirish bilan Britaniyaga 351 mlrd funt-sterling (431 mlrd. dollar), “katta yettilik” davlatlari iqtisodiyotiga esa qariyb 4 trillion dollar zarar keltirgan. Dunyo miqyosida olganda esa bu ko‘rsatkich jami 6,5 trillion dollarga teng.
Sud da’vosi BMT Xalqaro Mahkamasiga kiritilishi mumkin. 2005 yilda qabul qilingan Xalqaro sanitariya qoidalari (2003 Xitoydagi SARSdan keyin ishlab chiqilgan) ga muvofiq, davlatlar epidemiyalar haqida haqqoniy ma’lumotlarni taqdim qilish majburiyatini zimmasiga olgan.
Deputatlar hukumatni Xitoy bilan aloqalarni qayta ko‘rib chiqishga chaqiryapti. Ingliz vazirlaridan biri “Xitoyning yovvoyi hayvon bozorlari pandemiya o‘chog‘iga aylanganini yaxshi bilamiz”, deb aytgan.
Britaniya maxsus xizmatlari Uxandagi laboratoriyaning virusga aloqasi bo‘lishi mumkin, degan (avval voz kechilgan) nazariyani qaytadan tekshirayotgani ham aytilyapti.
Xullas, janjalning kattasi endi boshlanadigan ko‘rinadi...
platforma.uz kanalidan olindi