Britaniyaning Birmingem universiteti olimlari o‘tkazgan tadqiqotda hojatxonadan chiqqandan keyin qo‘lni sovunlab yuvish unchalik odat tusiga kirmagan mamlakatlarda yangi koronavirus infeksiyasi kengroq tarqalishi ma’lum bo‘ldi. Shifokorlar koronavirusdan himoyalanish uchun qo‘llarni kamida 20 soniya davomida sovunlab yuvish kerakligini aytmoqda.
Aniqlanishicha, Xitoyda hojatxonadan chiqqandan keyin qo‘lini sovunlab yuvmaydiganlar nisbati 77 foiz ekan. Bu ko‘rsatkich Yaponiyada 70, Janubiy Koreyada 61, Gollandiyada 50, Italiyada 43, Buyuk Britaniyada 25 va AQSHda 23 foizni tashkil etadi. Saudiya Arabistonida odamlarning atigi 3 foizi, Turkiyada esa 6 foizi qo‘l yuvishni odat qilib olmagan.
Tadqiqotchilar 8 mart holatiga koronavirusga chalinish haqidagi ma’lumotlar va qo‘l yuvish odatini solishtirib, ikkisining o‘rtasida bog‘liq bor degan xulosaga kelishdi.