Mashhur turk qo‘shiqchisi Serdar Ortachning Seçil Gür bilan sevgisi uzoqqa cho‘zilmadi. Chloye Lafnan bilan ajrashgach, Serdar Ortachning munosabati qo‘shiqchi Seçil Gür bilan 1,5 oy davom etdi. Bayonot berishni istagan qo‘shiqchi Serdar Ortach dastlab munosabatlarni tugatish haqida gapirdi:
"Yo‘q, biz kelisha olmadik, bunga nuqta qo‘yish kerak edi. U avvaldan ajralishini sezganligini aytdi. Mening yomon kunimda u hech qachon yonimda bo‘lmagan".
“Nima uchun sobiq xotinim haqida o‘ylashim kerak? Men hamma narsani unutganman, men o‘zimni o‘ylay boshlaganman".
Koronavirusni o‘zida mavjud yoki yo‘qligini sinab ko‘rish uchun kasalxonaga borgan Ortach o‘zining Instagramdagi postida "Men kasalxonaga yolg‘iz boryapman", deb aytgan edi.
O‘zining ijtimoiy tarmoqlardagi sahifasida Ortach "Mening munosabatlarim o‘zaro kelishmovchiliklar tufayli tugadi" kabi iboralarni ishlatgan.
O‘z navbatida, Seçil Gür ajralish haqida quyidagilarni aytdi:
“Men ham oxiriga qadar yetib bormasligimizni angladim. Biz bunga hali tayyor emasligimizni bildim. U kasalxonadan qaytgach, men Serdarning uyiga bordim, eshik oldida suhbatlashdik. Va ajrashayotganimizni aytdi. Menimcha, u kasallik tufayli shunday dedi. Kasalligi uning kayfiyatiga ta’sir qildi, shundanmi u ajralish haqida gapirib qoldi, hammasi yana iziga tushib ketadi deb o‘ylayman."
Serdar Ortach 7 oy oldin 2014 yilda dunyo go‘zali ro‘yxatiga kirgan irlandiyalik model Chloye Lafnan bilan ajrashgan edi.