Rasmiy xabarlarga ko‘ra, Italiyada koronavirusdan vafot etganlar soni kuniga 133 nafardan 366 nafargacha yetgan.Fuqarolarni himoya qilish agentligining ma’lumotlariga ko‘ra, infeksiyalarning umumiy soni 5883 dan 7375 nafar kishigacha borgan.
Lombardiyada 14 viloyatdagi 16 milliongacha odam karantin bo‘yicha maxsus ruxsatga muhtoj.
Bosh vazir Juzeppe Konte, shuningdek, butun mamlakat bo‘ylab maktablar, sport zallari, muzeylar, tungi klublar va boshqa joylar yopilishini e’lon qildi. Cheklovlar 3 aprelga qadar davom etadi.
So‘nggi raqamlar shuni anglatadiki, Italiya hozirda Xitoydan tashqarida tasdiqlangan kasallikning eng yuqori ko‘rsatkichiga ega, bu yerda dekabrda epidemiya kelib chiqqan. Italiyada umumiy holatlar soni bo‘yicha Janubiy Koreyani ortda qoldirdi.
Sog‘liqni saqlash tizimi Lombardiyaning 10 million aholisi bo‘lgan shimoliy mintaqasida og‘ir ahvolda. Odamlar kasalxona koridorlarida davolanmoqda.
Dunyo bo‘ylab infeksiyalar soni 107000 dan oshdi va 3600 dan ortiq kishining o‘limiga olib keldi.
Halok bo‘lganlarning aksariyati Xitoyda bo‘lgan. Ammo yakshanba kuni mamlakat yanvar oyidan boshlab bir kun ichida eng kam yangi infeksiyalarni qayd etdi - bu virus tarqalishi sekinlashayotganidan darak beradi.
Eron Xitoy tashqarisidagi eng xavfli nuqtalardan biri bo‘lib, hozirgi kunda 6566 tadan ortiq infeksiya yuqtirganlarni va 194 kishining o‘limini tasdiqladi.
Biroq, haqiqiy raqam ancha yuqori bo‘lishidan qo‘rqishadi. Yakshanba kungi xabarlardan birida, hukumat vakilining so‘zlariga ko‘ra, shimoliy Gilan viloyatida 200 kishi nobud bo‘lgan.
Fransiyada virus deputatlar orasida tarqalmoqda. Yakshanba kuni kechqurun Milliy Assambleyaning yana ikki a’zosida ijobiy natijalar kuzatildi. Hammasi bo‘lib to‘rt nafar deputat yuqtirgan. Shuningdek, yakshanba kuni Fransiya 1126 holatni qayd etdi, bu bir kunda 19 foizga ko‘payishi bilan Fransiyada kasallik Italiyadan keyin ikkinchi o‘rinda turibdi.