Foto: «Forbes.ru» «Amazon» rahbari Jeff Bezos sayyorada iqlim o‘zgarishiga qarshi kurashish uchun uning sharafaga atalgan Yer fondini yaratmoqchi ekanligini ma’lum qildi. Bu haqda u o‘zining «Instagram»ida yozib qoldirgan.
«Men iqlim o‘zgarishining halokatli ta’siriga qarshi kurashishning allaqachon o‘rganilgan usullarini yaxshilashni va yangi usullarni kashf etishni xohlayman», – deb yozadi Bezos.
«Sayyoramizdagi eng katta xavf-xatar»ga qarshi kurashish uchun u milliard dollar ajratyapti. Bezosning so‘zlariga ko‘ra, Yer fondidagi mablag‘ ushbu muammoni hal qilish bilan shug‘ullanayotgan nohukumat tashkilotlar, olimlar va faol jamoatchilarga beriladi. «Men yozda grant ajratishni boshlayman», – deb ta’kidlaydi milliarder.
Bezos kompaniyalar, mamlakat hukumatlari, xalqaro tashkilotlar va oddiy odamlarni hamkorlikda ishlashga taklif etdi. «Yer – barchamizni birlashtiradi. Kelinglar, uni birgalikda himoya qilamiz», – deydi dunyoning eng boy odami.