Rossiya prezidenti administratsiyasida grim qilib yuzdan shaxsni aniqlash tizimini aldashga uringan 4 nafar odam fosh bo‘ldi

^{Foto: Facebook/Katrin Nenasheva}
Rossiya prezidentining administratsiyasida inson yuzini skanerlash orqali uning shaxsini aniqlash tizimini grim qilib aldashga uringan to‘rt nafar odamning harakatlari fosh qilindi. Bu haqda «OVD-Info» xabar tarqatgan.

Ushbu harakat «qoidaga zid aksiya» deb baholanmoqda.
Fevral boshida bir guruh rassomlar «Sleduy» («Amal qil») aksiyasi boshlanganini bildirgan.

«Ushbu harakatning maqsadi — data-fobiya, ya’ni ma’lumotlar bazasiga tushib qolishdan qo‘rquvchi moskvaliklarga identifikatsiyadan o‘tmaslik uchun yuzni grim qilishni o‘rgatishdan iborat», — deya yozgan rassomlar Facebook’da.

^{Foto: Facebook/Sergey Kuok}
Yuz orqali shaxs haqidagi ma’lumotlarga ega bo‘lish tizimi Moskvada 2017 yildan amalga kiritilgan, 2019 yil oxirida shahardagi kameralarning 40 foizi (jami kameralar soni 162 dona) mazkur tizimga ulanishi ko‘zda tutilgandi.