Istanbuldagi Sabiha Gyokchen aeroportiga qo‘nish vaqtida bortida 177 kishi bo‘lgan yo‘lovchi samolyoti falokatga uchradi. Bu haqda CNN Turk nashri xabar berdi. Pegasus Airlines aviakompaniyasining Izmirdan Istanbulga reys bajargan Boeing 738 samolyoti qo‘nish vaqtida aeroportning uchish-qo‘nish yo‘lakchasida to‘xtay olmay, undan chiqib ketgan va natijada uchga bo‘laklanib, yonib ketgan.
Samolyot bortida 171 yo‘lovchi va ekipajning 6 a’zosi bo‘lgan. Hech kim halok bo‘lmagan, biroq 52 kishini shifoxonaga jo‘natishga to‘g‘ri kelgan. Barcha yo‘lovchilar evakuatsiya qilingan.
Dastlabki taxminga ko‘ra, falokatga samolyotning qo‘nishi vaqtidagi kuchli shamol sabab bo‘lgan.
Mahalliy vaqt bilan soat 18 atrofida yuz bergan voqeadan keyin aeroportda parvozlar vaqtinchalik to‘xtatilgan.