“Zamin”ni Telegramʻda oʻqing! Join!
Zamin.uz
, 05 2024, 13:02
ЎЗO‘Z

Olimlar: Atipik pnevmoniyaga qarshi vaksina Uxan koronavirusini to‘xtatishi mumkin

05 fev, 09:41 3 197 Dunyo
“Zamin”ni Telegramʻda oʻqing!
Olimlar: Atipik pnevmoniyaga qarshi vaksina Uxan koronavirusini to‘xtatishi mumkin Foto: EPA
2019-nCoV koronavirusi - 2003 yilda butun dunyoga tarqalgan SARS atipik pnevmoniyasining «yaqin qarindoshi» hisoblanadi. Yangi infeksiya qo‘zg‘atuvchining genlarini o‘rgangan xitoylik virusologlar shunday xulosaga kelishgan.

Ma’lum bo‘lishicha, Uxandagi koronavirus DNKsi 17 yil muqaddam 700dan ortiq kishini hayotdan olib ketgan og‘ir o‘tkir respirator sindromi - SARS’ning genetik kodi bilan 80 foizga o‘xshash.

O‘shanda atipik pnevmoniyadan zararlanganlarning har o‘ninchisi vafot etgan, ammo yangi virus nisbatan xavfsizroq.
«Amalda 2019-nCoV - SARS’ning osonroq tarqaluvchi, ammo kamroq zarar keltiruvchi ko‘rinishidir», - deydi Reding Universiteti virusologi Ien Jons.

Foto: EPA
Bundan tashqari, xitoylik virusologlar tadqiqotlari tasdiqlashicha, yangi koronavirus inson organizmiga ACE2 hujayra retseptori orqali kirib boradi.
«Demak, SARS uchun ishlab chiqilgan metod usullari va vaksinalar Uxan virusida ham qo‘l kelishi mumkin», - deya xulosa qilgan professor Jons.

Pandemiya yo‘q
Seshanba kuni Jahon sog‘liqni saqlash tashkiloti epidemiya bo‘yicha navbatdagi brifingni o‘tkazdi, tashkilot yangi koronavirusning global pandemiyasi boshlanganini tan olishni istamayapti, bunga asos sifatida virusdan zararlanganlarning aksari Xitoyning materikdagi qismida qayd etilgani keltirilmoqda.

Ammo boshqa mamlakatlarda ham (20dan ortiq) koronavirusdan zararlanish bilan bog‘liq 150dan ortiq holat qayd etilgan.

Yovvoyi tabiatda SARS virusi ko‘rshapalaklarda uchraydi. Allaqachon 420dan ortiq odamning o‘limiga sabab bo‘lgan yangi koronavirus tahlillari shuni ko‘rsatdiki, uning genlari «kenja yovvoyi» DNKsi bilan deyarli bir xil (96 foiz o‘xshashlik).

Dushanba kuni Nature jurnalida e’lon qilingan tadqiqot natijasi ham shunga o‘xshash. Boshqa bir og‘ir bemordan olingan 2019-nCoV namunalarining 30 mingdan ortiq zanjiri namunalarini tahlil qilgan biologlar ko‘rshapalaklardagi koronavirus bilan 90 foizga o‘xshash ekanini aniqlashgan.

«Bu virusning avj olishi hayvonlardan odamga yuqadigan viruslar juda xavfli kasalliklar keltirib chiqarishini ko‘rsatib qo‘ydi», - deya qayd etishmoqda olimlar.

Yangi infeksiyaning birinchi holati Uxanda 2019 yilning 12 dekabrida qayd etilgandi. Yanvar oyi oxiriga kelibgina JSST koronavirus tarqalishini jahon miqyosidagi favqulodda holat sifatida tan oldi.

4 fevral kuni butun dunyo bo‘ylab 24 mamlakatda ushbu virusni yuqtirib olganlar soni 20 ming nafardan oshdi.
Ammo, hongkonglik tibbiyotchilarning fikricha, epidemiyaning haqiqiy ko‘lami bundanda kengroq, virusdan zararlanganlar soni 200 ming nafar atrofida bo‘lishi mumkin.

So‘nggi ma’lumotlarga ko‘ra, virus oqibatida halok bo‘lganlar soni 427 nafar, sog‘ayib ketganlar soni - 725 nafarni tashkil etmoqda.
Hongkongda koronavirus oqibatida birinchi o‘lim holati qayd etildi. Bu Xitoy tashqarisida qayd etilgan ikkinchi o‘lim holati. Avvalroq Filippinda 44 yoshli erkak vafot etgani haqida xabar berilgandi.

4 fevral kuni Pekindan bortida 250 nafar o‘zbekistonlik bilan uchgan samolyot Toshkentga kelib qo‘ndi. Xitoydan olib kelingan o‘zbekistonliklar koronavirus tarqalishining oldini olish maqsadida maxsus tayyorlangan tibbiyot muassasalariga joylashtirildi. Yaqin vaqt ichida yana ikkita reys orqali Xitoydagi o‘zbekistonliklar vatanga qaytariladi.




Mavzuga oid yangiliklar
  • Poroshenko Rossiyada qidiruvga berilganiga javob qaytardi 05 мая, 11:48 18
  • Germaniyada Gebbelsning villasi istalgan odamga berib yuborilishi e’lon qilindi 05 мая, 07:16 140
  • 2025 yilgi Green Card natijalari e’lon qilindi 05 мая, 05:48 121
  • Sodiq Xon uchinchi bor London meri etib saylandi 04 мая, 23:36 132
  • Sergey Shoygu: “Ukraina Rossiya bilan urushda 111 mingdan ortiq askarini yo‘qotdi” 04 мая, 21:45 159
  • Ukraina AQSHdan birinchi navbatda MQ-9 dronlarini yetkazib berishni so‘ramoqda 04 мая, 21:42 175
  • So'nggi yangiliklar
  • UFC 301. Aleksandr Pantoja hakamlar qaroriga ko‘ra Stiv Ersegni mag‘lub etdi 05 мая, 13:00 0
  • O‘zbekistonning qaysi hududida parranda ko‘p boqiladi? 05 мая, 12:38 0
  • Ikki toifa odamlar bor: ular hech nimani qo‘lga kirita olmaydi 05 мая, 12:11 1
  • Poroshenko Rossiyada qidiruvga berilganiga javob qaytardi 05 мая, 11:48 18
  • Ronaldu Messidan uzoqlashmoqda! 05 мая, 11:23 9
  • Rossiyalik zobitning Buxoroda ko‘rgan-kechirganlari... 05 мая, 11:05 48
  • 118:9: “Barselona” futbol o‘ynashni qizlardan o‘rgansin! 05 мая, 11:00 29
  • Ayollar erkaklarga qaraganda uzoqroq yashashadi, lekin... 05 мая, 10:13 30
  • Saul Alvares va Xayme Mungia ishtirokidagi jang to‘liq davom etdi 05 мая, 09:59 26
  • Messi amerikaliklarni hayratga solishda davom etmoqda 05 мая, 09:53 49
  • Messi “dahshatli” ko‘rsatkich qayd etdi (video) 05 мая, 09:51 61
  • Germaniyada Gebbelsning villasi istalgan odamga berib yuborilishi e’lon qilindi 05 мая, 07:16 139
  • Bo‘limlar