Foto: «123ru.net»Yangi virusni davolash usuli hali mavjud emas. Hozircha bemorlarga ilgari ishlab chiqilgan va o‘zining samaradorligini ko‘rsatgan antivirus preparatlari tayinlanmoqda. Asosiy muolaja og‘ir alomatlarni kamaytirishga qaratilgan bo‘lib, an’anaviy respirator kasalliklar muolajasiga o‘xshab ketadi.
Biroq kasallikning kechishi va xastalikdan keyingi tiklanish jarayonlari odamning o‘z immun tizimiga bog‘liq.
«Koronavirus yaqqol patogen xususiyatga ega emas. Kasallik yuqishi juda sekin yuz beradi: epidemiya holati kutilmayapti. Ayni vaqtda yangi koronavirusning davosi yo‘q. Bemorlarga O‘RVIning oldini olishda tayinlanadigan preparatlarni qabul qilish tavsiya etilmoqda. Bu dorilar endogen interferon ishlab chiqaradi», — deydi rossiyalik professor, tibbiyot fanlari doktori, pulmanolog, terapevt Aleksandr Karabinenko.