Vladimir Zelenskiy 2019 yilda «Kvartal 95» studiyasidan 210 ming dollar daromad olgani ma’lum bo‘ldi

^{Foto: EPA}
Ukraina prezidenti Vladimir Zelenskiy 2019 yildagi daromadlari to‘g‘risidagi deklaratsiyani yangiladi. Hujjat Korrupsiyaga qarshi kurash bo‘yicha milliy agentlik saytida joylashtirildi, deya xabar beradi Daryo.uz.

Deklaratsiyadan ma’lum bo‘lishicha, 27 dekabrda Ukraina prezidenti «Kvartal 95» studiyasidan 4,8 million griven (205,9 ming dollar) miqdorida mualliflik haqi, shuningdek, savdo markasidan foydalanilgani uchun 104 ming griven (4,3 ming dollar) tovon puli olgan.

2019 yil uchun daromadlar to‘g‘risidagi to‘liq deklaratsiyani Ukraina prezidenti joriy yil aprel oyigacha e’lon qilishi kerak.