AQSh prezidenti Donald Tramp Jahon bankiga Xitoyga kredit berishni to‘xtatishni so‘rab murojaat qildi.«Jahon banki nega Xitoyga pul beradi? Shunday bo‘lishi mumkinmi? Xitoyning puli ko‘p, agarda puli bo‘lmasa, chiqarib olaveradi. Bas qiling!», - deb yozdi Tramp tvitterda.
Odatda Jahon banki rahbari ushbu tashkilotning 16 foiz kapitaliga ega bo‘lgan AQSh vakili hisoblanadi.
Avvalroq Xitoy Donald Tramp Hongkong to‘g‘risida inson huquqlari va demokratiyani himoya qilish hamda u yerga politsiya ekipirovkalarini jo‘natishni taqiqlash to‘g‘risidagi qonunlarni imzolagani bois AQShga nisbatan sanksiyalar kiritishini ma’lum qilgandi.