Bugungi kunda Amerika Qo‘shma Shtatlari haqida gap ketganda ko‘zingiz oldida darhol Ozodlik Haykali gavdalanadi. Ozodlik ma’budasi 1886 yilda Ozodlik orolida joylashgan Nyu-York ko‘rfazida qad rostladi. Fransiyadan AQSh mustaqilligining yuz yillik sovg‘asi hisoblangan Ozodlik ma’budasi dastlab shoir va anttislaviya faoli Eduard de Laboulayning onasining protatipi edi.Katta hajmdagi ishlarda tajriba o‘tkazgan fransuz yosh haykaltaroshi Frederik Avgusta Bartoldi Laboulayning haykal g‘oyasini astoydil qo‘llab-quvvatlagan va dizaynni yaratishni boshladi. Ular ushbu haykaltaroshlik ishida Parijdagi Eyfel minorasining qurilish mexanizmlaridan foydalanishgan. Negaki, juda baland hamda og‘ir hajmli ushbu haykal qaddini tik tutib turishida sinalgan muhandislarning ishidan nusxa olish asqotardi.
Haykalning ichki tuzilishi uchun 200000 kg temir va ustki ko‘rinishi uchun 100 tonna mis ishlatilgan. Fransiya qurilgan haykalni Amerikaga Atlantika okeani bo‘ylab 350 ta qismga bo‘laklab olib o‘tdi. Haykalning balandligi 34 metr bo‘lib, agarda qo‘lidagi masha’la va tagidagi platformani ham qo‘shib hisoblansa, 93 metrga yetadi. Uning o‘ng qo‘li 24 karatli tilladan yasalgan mash’alani ushlab turish uchun yuqoriga cho‘zilgan va boshida yetti qirrali toj qo‘ndirilgan bo‘lib, u yettita qit’a va yettita dengizni anglatadi.
Oyoqlarida cingan kishanlar tasvirlangan bo‘lib, bu ozod bo‘lgan ayol timsolidir. Haykalning nomiga to‘xtaladigan bo‘lsak, Rim ma’budasi Libertas sharafiga nomlangan, ma’budaning to‘liq nomi esa Liberty Enlightening the World (Dunyoni Yorituvchi Ozodlik) degan ma’noni anglatadi. Bugungi kunda ushbu haykal joylashgan manzil eng gavjum va mashhur sayyohlik manzilgohlaridan biriga aylangan.