Foto: «Fightnews.info» Aralash jang (MMA) kurashchisi Habib Nurmagomedovning otasi Abdulmannop Nurmagomedov jurnalistlarga bergan intervyusida ikkinchi xotinga uylanish rejasini ochiqladi.
«Bitta xotinim bor, ikkinchisini mo‘ljallab turibman. Uchinchisini... bilmadim», — deyiladi, xususan, katta Nurmagomedovning intervyusida. U shuning barobarida ayollarga doim hurmat bilan munosabatda bo‘lish kerakligini qo‘shimcha qilgan.
Abdulmannop Nurmagomedov — Rossiyada xizmat ko‘rsatgan murabbiy. Eng muvaffaqiyatli mutaxassis sifatida Rossiyaning Ginnesslar kitobiga kiritilgan: faoliyati davomida turli yakkakurashlar bo‘yicha 18 nafar jahon chempionini tayyorlagan. Rossiya qonunchiligi fuqarolarga bir paytning o‘zida faqat bir inson bilan nikohda bo‘lishlariga ruxsat beradi...