Janubiy Koreyaning Iyjonbu shahridagi aholi istiqomat qiladigan kvartallardan birida yirik yong‘in chiqdi hamda 3 kishini bu hayotdan olib ketib, 100ga yaqin kishining turli darajada kuyish jarohatlari bilan shifoxonalarga yotqizilishiga olib keldi. Ayni paytda shifoxonada yotgan 97 nafar jabrlanuvchining 8 nafari o‘ta og‘ir ahvolda. Bu haqda “TASS”ga asoslanib “Kun.uz” xabar bermoqda.Xabarda yozilishicha, yonayotgan bino tomidan odamlar vertolyotlar vositasida qutqarib olingan.
Yong‘inning kelib chiqish sabablari hali ma’lum emas. Yong‘in kuchayib, qo‘shni binolarga o‘tgani tufayli talofatlar ko‘p bo‘lgan.
Taxminlarga ko‘ra, bu yong‘in binoga yondosh bo‘lgan avtomobillar turargohidan chiqqan bo‘lishi mumkin. Hudud polisiyasi ayni paytda surishtiruv ishlarini olib bormoqda.
Foto: novaya-gazeta.ru / kun