Niderlandiya politsiyasi do‘kondagi o‘g‘rilikda ishtirok etgan to‘tini hibsga oldi

^{Foto: Utrext politsiyasi}
Niderlandiyaning Utrext shahri politsiyasi do‘kondagi o‘g‘rilikda ishtirok etgan to‘tini hibsga oldi. Bu haqda Meduza hikoya qilmoqda.
Qush egasi bilan birga qo‘lga olindi. Politsiya bo‘limida to‘ti uchun mos qafas yo‘qligi sabab uni egasi bilan bir kameraga joylashtirishga to‘g‘ri keldi. Qush bilan o‘rnatilgan tartibga binoan muomala qilindi: unga suv va yemish (butun boshli buterbrod) berildi.

Hodisani yoritgan niderlandiyalik jurnalistlar ham daxlsizlik qoidalariga rioya qildi — to‘ti fotosining yuziga qora tortib qo‘yildi.