Foto: «Twitter» Turkiyaning «Bursaspor» va «Fenerbaxche» futbol klublari xayriya o‘yinidan olingan videolavha internet foydalanuvchilari o‘rtasida keng muhokama mavzusiga aylandi. Hammani darg‘azab qilgan holat kutilmaganda bir yuz-u sakson darajaga o‘zgarib ketdi.
Videorolikda ko‘rinishidan 10 yoshlar atrofidagi bola tribunada o‘tirganicha bamaylixotir tamaki tutatib o‘tiribdi. Xuddi katta odam deysiz. Aynan shu holat odamlarning jahlini chiqardi: Kimning bolasi? Ota-onasining ko‘zi qayoqda?.. «Tarbiyasiz bola»ning shaxsini tezda aniqlay olishdi. Bilishdi-yu tillarini tishlab qolishdi. «Bolakay» — 36 yoshda ekan! Futbolga ham o‘g‘li bilan kelgan.