London meri Boris Jonson Buyuk Britaniyada istiqomat qiluvchilarning barchasi ingliz tilida yaxshi gaplasha olishlari shartligini ma’lum qildi. Bu haqida “The Telegraph” nashriga asoslanib, “RIA Novosti” xabar beradi.
Avvalroq, “Mustaqillik partiyasi” etakchisi Nayjel Faraj Britaniya davlat sog‘liqni saqlash tizimida ishlaydigan shifokor va tibbiyot xodimlarining ingliz tilini mukammal bilmaydiganlari ishdan bo‘shatilishi lozimligi haqida aytib o‘tgan edi. Uning bu fikrini Boris Jonson ham qo‘llab-quvvatladi.
“Men Farajning so‘zlariga to‘la qo‘shilaman. Fuqarolarimiz shifoxonaga kirib, u erda shifokorlarga o‘z muammolarini tushuntira olmasligi holatlari uchrayotganidan taajjubdaman. Bu davlatda yashaydigan, aholiga xizmat ko‘rsatish sohalarida ishlaydigan har bir odam inglizchada gaplasha olishi shart”, – deydi London meri.
London meri OAVlar orqali targ‘ib qilinayogan multimadaniyatni ham tanqid qildi.
“Londonda shunday joylar borki, u erda yashaydigan muxojirlarning bir necha avlodi o‘z ona tillaridagi media vositalardan foydalanishlari tufayli inglizchada hali ham gaplashishni o‘rganmaganlar. Ular ingliz tilini o‘rganishga ehtiyoj ham sezmaganlar. Buyuk Britaniyada ingliz tilida muloqot qilinadi. Vaholanki, bu til o‘rganish qiyin bo‘lgan murakkab til emas ham”, deb qo‘shimcha qildi London meri.
foto: RIA Novosti
manba:
kun.uz