Suriyalik kurdlar Turkiya va AQSh o‘rtasida Suriyada xavfsiz hudud tashkil etish bo‘yicha muzokaralar muvaffaqiyatsizlikka uchrasa, kurd otryadlari Turkiyaga qarshi “katta urush” boshlashga tayyorliklarini aytishdi. Bu haqda Reuters axborot agentligi xabar berdi.
“Biz siyosiy yechim va muloqotni istaymiz. Agar hududiy va xalqaro sa’y-harakatlar boshqa qolmasa, unda biz katta ko‘lamli harbiy qarama-qarshilik vaziyatiga tushamiz”, deb aytgan Suriyaning shimol va sharqidagi kurd ma’muriyati vakili Badran Jia Kurd.
7 avgustda Anqaradagi muzokaralardan keyin Turkiya harbiylari AQSh bilan birgalikda Suriya shimolida muvofiqlashtirish markazini tashkil etishga rozi ekanliklarini ma’lum qilishgan.