Foto: «Avtomobili.ru»Ekvatorial Gvineya vitse-prezidenti Teodoro Ngema Obiang Mange (odamxo‘rligi fosh qilingan prezidentning o‘g‘li) davlat byudjetidan yuz millionlab dollar o‘g‘irlanishi bilan bog‘liq mojarolar tufayli dunyoga mashhur bo‘lgan, deb yozadi «Daryo.uz». Ammo Teodoro juda noyob sportkarlarni ham sevgan.
Yevropa hukumati gvineyalik poraxo‘rning mulkiga yetti yil avvaloq ov e’lon qilgan. O‘shanda Fransiyada uning Bugatti Veyron Grand Sport, Maserati MC 12, Ferrari 599 GTO, Bugatti Veyron, Porsche Carrera GT va boshqa bir qancha avtomobillari musodara qilingan, so‘ng ular auksionda sotilgan edi.
2016 yilda esa Shveysariyada siyosatchining 25 ta avtomobili olib qo‘yilgan bo‘lib, endi ular xohlovchilarga, aniqrog‘i bunday noyob superkarlarni sotib olishga qodir bo‘lgan kolleksionerlarga sotiladi.
Teodoroning kolleksiyasidagi eng qimmatbaho mashinalar sifatida Lamborghini Veneno rodsteri, buyurtma bo‘yicha yasalgan Koenigsegg One: 1, McLaren P1 va Bugatti Veyron aytilmoqda.