Rossiyaning «MegaFon» mobil operatori texnik nosozlik tufayli butun Rossiya bo‘ylab 25ming mijozining plastik kartalaridan pul echib oldi. Echib olingan umumiy pul miqdori ma’lum qilinmadi. Foydalanuvchilar ijtimoiy tarmoqlarda 1 yanvardan boshlab telefon raqamlariga bog‘lab qo‘yilgan plastik kartalardan pul echib olingani haqida shikoyat qilishgan. Bu haqida “TASS” ga asoslanib “Kun.uz”
.Keyin esa, «MegaFon» matbuot xizmatida mijozlar kartalaridan echib olingan pullarni to‘lovlar sifatida qaytib olishlari mumkinligi haqida axborot berildi.
“Texnik nosozlik vujudga keldi, hozirda u bartaraf etildi. Hozirgi vaqtga kelib, barcha echib olingan pullar mijozlar hisobiga qaytarilmoqda. Mijozlar kerak bo‘lganda to‘lovlarni “mobil o‘tkazma” xizmatidan foydalanib, bank kartasiga o‘tkazish yo‘li bilan naqd pullarga almashtirib olishlari mumkin. Bu holatda bu xizmat uchun komissiya to‘lovi olinmaydi”, – deyiladi xabarda.
Ma’lumot uchun, «MegaFon» Rossiyadagi uchta yirik mobil operatorlardan biri hisoblanadi. 2014 yilning sentyabr oyi oxiriga kelib, operatorning mijozlari soni 71,5 millionga etgan.
Foto: ITAR-TASS