Saudiya Arabistoni sharqida harorat kunduzgi vaqtda soyada 50 darajaga yetmoqda, deb xabar berdi "Xabr Ajil" portali meteorolog Hasan Karaniyga tayanib.
"Termometr quyosh ostida 53 daraja, soya ostida esa sharqiy va ayrim g‘arbiy hududlarda 50 darajagacha ko‘rsatkichni qayd etdi", - dedi Karaniy. Saudiyalik ijtimoiy tarmoq foydalanuvchilari ko‘chadagi elektron tablo 55 daraja haroratni ko‘rsatgani qayd etilgan videoyozuvlarni joylashmoqda.
Shu bilan birga, mamlakat janubi-g‘arbi va shimolida yomg‘irlar yog‘ishini aytishmoqda.