Vladimir Zelenskiy davlat rahbari sifatida ilk bor Lugansk oblastidagi Ukraina armiyasi joylashgan hududga keldi. Bu haqda Ukraina prezidentining matbuot xizmati xabar berdi.
Xabarda aytilishicha, u kuzatuv postlari va blindajlarda bo‘lgan. Shuningdek, Zelenskiy yashash sharoitlari bilan tanishgan va harbiylarning ta’minotini yaxshilash zarurligini qayd etgan.
"Ukrainani himoya qilayotgan harbiylar sharoitlari yaxshi bo‘lishi lozim", — degan u. Avvalroq Vladimir Zelenskiy davlat rahbari sifatidagi birinchi o‘rindagi vazifasi Donbassdagi urushni to‘xtatish ekanligini aytgandi.