32 yoshli Francheska Kluni 6 yoshidan buyon sochini o‘stiradi. Buni qarangki, uning sochlari multfilm qahramoni Rapunselning sochlari kabi uzunlikka yetdi. Ammo Francheska 20 yoshidan sochlarini parvarish qilishga erinib, soch uchun shampun va turli xil niqoblar sotib olishga pulini ayay boshlaydi. Keyin esa kutilmagan qarorni qabul qiladi, ya’ni sochini hech qachon yuvmaslik fikriga keladi. Haqiqatdan ham, u sochini yuvmasdi. Avvaliga uning sochidan noxush hid anqiy boshlaydi. Keyinchalik esa bu hid o‘z-o‘zidan yo‘qoladi. Francheska hozirda sochini ortiqcha turmak ham qilmaydi, faqatgina tarash bilan kifoyalanadi. Sochining uzunligi esa 2 metrni tashkil qiladi.
