NASA koinot agentligining 6 aprelga oʻtar kechasi Norvegiyada oʻtkazgan tajribasi mamlakat shimoli aholisiga qutb yogʻdusi fonida antiqa “mushakbozlik”ni kuzatish imkonini berdi.N+1 nashrining yozishicha, NASA AZURE loyihasi doirasida Andoya koinot markazi hududidan ikkita geofizik raketaning uchirilishi natijasida osmonda qisqa vaqtga yorqin yashil-koʻk dogʻlar paydo boʻlgan. Bu raketalar osmonda trimetilalyuminiy, bariy va stronsiy zarralarini purkagan va aynan shu holat antiqa yorugʻlanishning paydo boʻlishiga olib kelgan.
AZURE tajribasi ionosferada quvvatlangan zarralarni oʻrganish uchun ishga tushirilgan.