Qozogʻiston prezidenti Nursulton Nazarboyev oʻz vakolatlarini topshirdi. Bu haqda u 19 mart kuni televideniye orqali millatga maxsus murojaatida eʼlon qildi.
“Men Prezident sifatidagi vakolatlarimni topshiraman”, — dedi Nursulton Nazarboyev jonli efirga namoyish etilgan murojaatida.
Endi saylovgacha Qozogʻiston Prezidenti vazifasini Parlament Senati spikeri Qosim-Jomart Tokayev bajarib turadi.
Shu tariqa, mustaqil Qozogʻiston tarixida ilk marta prezident oʻzgaradi. Nursulton Nazarboyev 1991 yildan buyon mamlakatni boshqarib kelmoqda.