Iroqlik ko‘p farzandli ayol bittada 7 farzand tug‘di. Ayolning bungacha 3 farzandi bor edi, deb xabar berdi Kun.uz nashri.Ayol 6 qiz va bir o‘g‘il farzandni dunyoga keltirgan. Bolalarning otasi Yusuf Fazl va uning 25 yoshli rafiqasi yana farzand ko‘rishni rejalashtirishmagan edi.
Ayni vaqtda 7 egizning onasi ortidan shifokorlar kuzatuv olib bormoqda, uning ahvoli barqaror. Barcha bolalar sog‘lom tug‘ilishgan.
Bir yil avval livanlik juftlikda 6 egiz farzand dunyoga kelgandi. Bungacha juftlikning 4 farzandi bo‘lgan va ular 5-farzandlari bo‘lishini istashgan. Ammo unga qo‘shilib yana 4 farzand tug‘ilgan.
Ta’kidlash joizki, 7 egiz tug‘ilishi holati ilk bor 1997 yilda AQShning Ayova shtatidagi De-Moyn shahrida qayd qilingan. Juftlikda bungacha katta yoshli farzandi bo‘lgan. E’tiborlisi, egizaklarning ota-onasi Bobbi va Kenni Makkogi ko‘p yillar davomida bepushtlikka qarshi kurashishgan. Egizaklardan 2 nafari baxtga qarshi bolalar serebral falaji bilan dunyoga kelgan.