Filippinda AirAsia aviakompaniyasiga tegishli samolyot katta qiyinchilik bilan qo‘ndi. Bu haqda The Strait Times'ga asoslanib Kun.uz xabar bermoqda.
Xabar berishlaricha, samolyot uchish-qo‘nish yo‘lagida izdan chiqib ketgan. Qayd etishlaricha, samolyotning qattiq qo‘nishi natijasida hech kimga jabr etmagan.
Avvalroq, AirAsia’ning boshqa bir – Bangkok aeroportidan ko‘tarilgan samolyoti bagaj bo‘linmasidan kelgan shubhali ovozlar sabab, aeroportga qaytish majbur bo‘lgani haqida xabar berilgandi.
Eslatib o‘tamiz, 28 dekabr, yakshanba kuni Indoneziyaning Surabaya shahridan Singapurga uchib ketayotgan AirAsia layneri radarlardan yo‘qolib qolgandi. Kema bo‘laklari va yo‘lovchilarining jasadlari 30 dekabr, seshanba kuni Yava dengizidan topildi.