Ozarbayjon prezidenti Ilhom Aliev 29 dekabr, dushanba kuni 87 nafar jazoga tortilgan shaxsni avf etish haqidagi farmoyishni imzoladi.Bu farmoyish 31 dekabrda nishonlanadigan Butun dunyo ozarbayjonlarining birdamlik kuni hamda Yangi yil bayrami munosabati bilan qabul qilingan, bu haqda “TASS”ga asoslanib Kun.uz xabar bermoqda.
Ozarbayjon davlat rahbarining bu farmoyishiga ko‘ra, 79 nafar mahbus qamoqxonadan, 3 nafar shaxs axloq-tuzatish ishlaridan, 5 nafar shaxs jarima to‘lashdan ozod etiladi.
Prezident avf etish haqidagi hujjatni qabul qilar ekan, “jazoga tortilganlarning va ularning oila a’zolarining hamda inson huquqlari bo‘yicha mas’ullar va huquqni himoya qilish tashkilotlarining murojaatlarini inobatga olgan”ligi ta’kidlangan.
Avf etilgan shaxslar orasida ozod qilinishi xalqaro tashkilotlar tomonidan iltimos qilinganlar ham bor.