Italiyaning Norman Atlantic paromida yuz bergan yong‘in oqibatida 8 kishi halok bo‘ldi, 427 kishi qutqarildi. Bu haqda Italiya transport vaziri Maurisio Lupi xabar berdi. U, shuningdek, kemadagi yo‘lovchilarning aniq soni ma’lum emasligini qo‘shimcha qilib o‘tdi, deb yozadi kun.uz.
Gresiyaning Patra shahridan Italiyaning Ankona portiga yo‘l olgan kemada 478 nafar yo‘lovchi va kema ekipaji a’zolari bo‘lgan. Kema 28 dekabr, yakshanba kuni Korfu orolidan 40 dengiz mili uzoqlikda yonib ketgan.
Gresiyaning ANEK kompaniyasig tomonidan foydalanilayotgan Norman Atlantic kemasida yong‘in mahalliy vaqt bilan 04:00da, avtomobillar turadigan qavatda boshlangan. U erda 222ta avtomobil, shu jumladan, texnik moy, yoqilg‘i-moy mahsulotlari ortilgan yuk mashinalari ham bo‘lgan.