Britaniyaning Which? iste’molchilar assotsiatsiyasi xodimlari sayohat uchun eng xavfsiz mamlakatlar reytingini tuzishdi. Mutaxassislar 20ta eng ommabop sayyohlik yo‘nalishlarini to‘rtta jihat: jinoyatchilik darajasi, salomatlikka xavf, terakt va tabiiy ofatlar ehtimoli bo‘yicha tahlil qilib chiqdi. Barcha ko‘rsatkichlar bo‘yicha Islandiya eng xavfsiz davlat deb topildi.
Keyingi o‘rinni BAA egalladi. Uchinchi o‘ringa Singapur, keyingi o‘rinlarga Ispaniya va Avstraliya joylashdi.
Reytingda ko‘rsatilishicha, sayyohlar uchun eng noqulay mamlakatlar Turkiya va Janubiy Afrikadir.