Checheniston rahbari Ramzon Qodirovning maʼlum qilishicha, Ahmad Hoji Qodirov nomidagi jamgʻarma Mutlaq jangchilar chempionati (UFC) chempioni Habib Nurmagomedovga irlandiyalik Konor Makgregor ustidan gʻalaba qozongani munosabati bilan mashina sovgʻa qildi. Bu haqda Kun.uz xabar bermoqda.Shuningdek, siyosatchining oʻz telegram-kanalida qoʻshimcha qilishicha, Grozniy hokimi Ibrohim Zakriyev jangchiga “Grozniy shahrining faxriy fuqarosi” unvonini berdi.
Rossiyalik jangchining otasi va murabbiysi Abdulmannop Nurmagomedovga “Checheniston Respublikasida xizmat koʻrsatgan jismoniy tarbiya sohasi xodimi” unvoni berildi.
Nurmagomedov va Makgregor oʻrtasida oʻrta vazn toifasidagi chempionlik kamari uchun jang 6 oktyabr kuni Las-Vegas shahrida boʻlib oʻtgan UFC 229 musobaqasida boʻlib oʻtdi. Rossiyalik jangchi toʻrtinchi raundda boʻgʻish uslubi bilan oʻz raqibini taslim etdi.
Eslatib oʻtamiz, avvalroq Makgregor Nurmagomedov bilan jang paytida undan uzr soʻragani xabar qilingandi.