Checheniston rahbari Ramzon Qodirov AQSH ichki ishlar vaziri Rayan Zinkening Yaqin Sharqqa energiya resurslar yetkazib berishning oldini olish uchun Rossiya uchun dengiz yoʻllarini toʻsib qoʻyish imkoniyati haqidagi soʻzlariga munosabat bildirdi. Qodirov “VKontakte”da amerikaliklarga “doʻst boʻlib yashashni” maslahat berdi.“Zinke AQSH «Rossiyaga iqtisodiy bosim imkoniyatlarini koʻrib chiqmoqda”, deya maʼlum qildi. Uning aytishicha, bu variant Rossiyaning energiya resurslarini kiritmaslik, energiya resurslar bozorga kirmasligi uchun dengiz yoʻllarini toʻsib qoʻyishni oʻz ichiga oladi. Aftidan, janob vazir Rossiya, uning tarixi, imkoniyatlarini yaxshi bilmaydi», - deya yozgan Qodirov.
Uning taʼkidlashicha, amerikalik siyosatchilarning bunday bayonotlari “aql-idrokli odamlarni hayratga solmay qoʻydi”. Qodirovning soʻzlariga koʻra, AQSHning maqsadi - “davlatlarni yoʻq qilish, resurslarni egallash, qoʻgʻirchoq rejimlarni hokimiyatga tepasiga olib kelish”.
“Bemaʼni nutqlarga vaqt sarflashning oʻrniga, buyuk Rossiyaning dengiz portlari hamda energiya tashuvchilarga ega tankerlarni bloklash boʻyicha haqiqiy urinishga qanday munosabat bildirishi haqida oʻylab koʻrsa boʻlardi”, - dedi Checheniston rahbari.