AQSH zarurat boʻlganda Rossiyaning Yaqin Sharq davlatlariga energiya tashuvchilarni yetkazishiga toʻsqinlik qilish maqsadida uni dengizdan qamal qilishi mumkin. Bunday fikrni AQSH ichki ishlar vaziri Rayan Zinke Pittsburgdagi sanoat tadbirida aytib oʻtdi.“Bizda harbiy-dengiz kuchlarimiz evaziga dengiz aloqa yoʻllari ochiq qolishini kafolatlash va Rossiya energiya tashuvchilari bozorga tushmasligi uchun ularni zarurat boʻlganda toʻsishga imkoniyat bor”, deb aytgan Zinke.
Zinke Rossiya iqtisodiyoti uchun yagona daromad manbai energiya tashuvchilarni sotish hisoblanishini aytgan. Uning taʼkidlashicha, Rossiya Yaqin Sharqda oʻz nefti va gazini Yevropada sotayotgandek sotish uchun u yerda faol siyosat olib bormoqda.
Zinkening aytishicha, Eron bilan bogʻliq vaziyat Rossiya bilan bogʻliq vaziyat kabidir va bu masalalarni hal qilishning ikki varianti bor.
“Harbiy variant bor, men uni qoʻllashni istamasdim. Shuningdek, iqtisodiy variant mavjud, u bosim oʻtkazish va bozordan energiya resurslarni siqib chiqarishdan iborat. Biz buni qila olamiz, chunki AQSH eng yirik neft va gaz ishlab chiqaruvchi davlatdir”, deb oʻz soʻzlarini intiholagan Zinke.