Hindiston Rossiyadan S-400 “Triumf” zenit-raketa majmualarini sotib olishga tayyor. Bunday qaror hukumat yigʻilishi natijalari boʻyicha qabul qilingan, deb xabar berdi The Times of India nashri. Biroq, hozircha buning rasmiy tasdigʻi berilmagan.
“Triumf” tizimlari Hindistonga 5 yil ichida yetkazilishi kerak. Hindiston hammasi boʻlib ushbu tizimdan 5 tasini 5,43 mlrd dollarga sotib oladi. Bitim tuzilgani haqida hali rasman eʼlon qilinmagan.
Manbalarning muhokama qilishicha, bitim Hindiston bosh vaziri Narendra Modi va Rossiya prezidenti Vladimir Putinning 4-5 oktbrdagi uchrashuvi davomida imzolanadi.
Ikki davlat AQSH tomonidan Rossiya qurolini sotib olayotgan davlatlarga nisbatan sanksiyalar qoʻllayotgan bir paytda kelishuvga kelgan. AQSH Xitoyga bunday tizimlarni sotib olganlik uchun sanksiyalar qoʻllagandi.