10 sentyabrda Braziliyaning Paraiba shtatidagi Juan-Pessoa shahrida joylashgan turmadan kamida 105 mahbus qochdi. Bu haqda xorij matbuotiga tayanib Kun.uz nashri maʼlum qildi.Mahalliy maʼmuriyat maʼlumotlariga koʻra, qochishni amalga oshirish uchun qurollangan kimsalar guruhi tashqaridan turma darvozasini portlatib, qoʻriqchilarni oʻqqa tutgan. Bir qoʻriqchi ogʻir jarohat olgan.
Politsiya 41 qochoqni ushlashga muvaffaq boʻlgan. Qolgan qochoqlar qidirilmoqda.
Hukumat barcha qochoq mahbuslar suratlarini eʼlon qilgan va ushbu hodisani tergov qilishni boshlagan.