Tolibon harakati Qurbon bayram arafasida yuzlab asirlarni ozodlikka chiqaradi, deb xabar qilmoqda Afg‘onistonning TOLO News telekanali.Biroz oldin Afg‘oniston prezidenti Ashraf G‘ani Qurbon-hayit bayrami to‘fayli Tolibonga uch oylik tinchlik e’lon qilishini xabar qilgan edi.
Tolibon hukumatning ushbu tashabbusiga javob bermagan bo‘lsada, Qurbon bayram arafasida “Ular ham Qurbon-bayrami baxtini o‘z oilalari va do‘stlari bilan baham ko‘rishi uchun” yuzlab asirlarni ozodlikka chiqarishini e’lon qildi.
Eslatib o‘tamiz, ikki oy oldin Afg‘oniston hukumati Ro‘za-hayit munosabati bilan 11 - 19 iyun kunlari tinchlik e’lon qilgan edi. Bunga javoban Tolibon ham uch kunlik tinchlik e’lon qilgan edi. Ushbu muddatlar tugaganidan keyin, ikkala tomon ham qurolli to‘qnashuvlarni yana davom ettirgan edi.