Amerikaning Kaliforniya shtatida yashovchi nomi sir tutilayotgan erkak ertalab uyg‘ondi-yu, millionerga aylandi. U San-Xose shahridagi do‘kondan «Mega Millions» lotereyasini sotib olgandi. Oltita raqam ham to‘g‘ri kelibdi. Natijada u jami 522 million dollarga teng jekpotni yutib oldi. Bu lotereya tarixidagi yutib olingan beshinchi katta yutuq ekan.— Men haliyam o‘zimga kela olmayapman, — deydi lotereya chiptasini sotgan do‘kon mudiri. — Demak, bizda haqiqatan lotereya o‘ynab katta pul yutib olish mumkin ekan-da!..
Ushbu lotereya jekpoti mamlakatning 44 ta shtatida sotilgan chiptalar hisobidan yig‘iladi. Yutuq egasi agar pullarni birdan olishni xohlasa, 308 million dollar beriladi. Qolgan pullar lotereya hisobida qoladi.
Manba: Hordiq.uz