2014 yil 25-26 dekabr kunlari O‘zbekiston va Qozog‘iston Respublikalari o‘rtasidagi ikki tomonlama hamkorlikni rivojlantirish bo‘yicha hukumatlararo qo‘shma komissiyasining 14-yig‘ilish bo‘lib o‘tadi, deb xabar bermoqda 12news.uz.Yig‘ilishda ikki davlat o‘rtasidagi savdo-iqtisodiy hamkorlik hamda huquqiy bazani yanada kengaytirish masalalari ko‘rib chiqiladi.
O‘zbekiston va Qozog‘iston Respublikalari o‘rtasidagi ikki tomonlama hamkorlikni rivojlantirish bo‘yicha hukumatlararo qo‘shma komissiya 1997 yildan o‘z faoliyatini boshlagan. Hozirgi kunda komissiyaning O‘zbekiston tomonidan raisi Bosh vazir birinchi o‘rinbosari Rustam Azimov bo‘lsa, Qozog‘iston tomondan Qozog‘iston Respublikasi Bosh vazir birinchi o‘rinbosari Bakitjon Sagintaev komissiya raisi hisoblanadi.
Ta’kidlash joizki, 2013 yil 4 iyunda bo‘lib o‘tgan hukumatlararo komissiyaning so‘nggi yig‘ilishida savdo-iqtisodiy, energetika, transport, suv-energetika va boshqa sohalardagi hamkorlik masalalari muhokama qilingan edi.