Tinch okeanida, Xokkaydo shimoliy orolidagi Nemuro yarimoroli hududida 5,5 magnitudali zilzila sodir bo‘ldi. Bu haqda «Korrespondent.net» mamlakat meteorologiya boshqarmasi ma’lumotiga tayanib xabar beradi.
Er silkinishi o‘chog‘i 80 kilometr chuqurlikda, epimarkazi esa Tinch okeanida joylashgan. Etti ballik yapon shkalasi bo‘yicha er silkinishining maksimal kuchi Xokkaydo sharqida 4 ballni tashkil etdi.
Zilzila Ivate va Aomori prefekturalarida qayd etildi.
Qurbonlar va vayronagarchiliklar haqida ma’lumotlar kelib tushmadi. Sunami xavfi yo‘q.
Manba: Daryo.uz