AQSh prezidenti Barak Obama tantanali marosimda Amerikaning 17 nafar siyosatchisi, jamoat arboblari hamda ilm-fan, madaniyat va sport sohasining taniqli vakillariga mukofot topshirdi. Bu haqda «TASS» xabar beradi.
24 noyabr, seshanba kuni qo‘shiqchi va aktrisa Barbra Streyzand, kinorejissyor va prodyusser Stiven Spilberg, skripkachi Isxak Perlman, kompozitor, shoir va dramaturg Stiven Sondxaym AQSh oliy fuqarolik mukofoti – Prezident ozodlik medaliga loyiq deb topildi.
«Bugun biz noyob insonlar: novatorlar, rassomlar va etakchilarni qutlamoqdamiz», — deb ta’kidladi Obama mukofotni topshirishdan oldin.
Ozodlik medali 1945 yilda prezident Garri Trumen tomonidan jangovar harakatlar chog‘ida o‘zini ko‘rsatgan shaxslarni taqdirlash maqsadida ta’sis etilgan. 1963 yilda esa prezident Jon Kennedi mukofot nizomini o‘zgartirdi, o‘shandan buyon u AQSh xavfsizligiga hissa qo‘shgan, butun dunyoda tinchlik uchun kurashgan hamda madaniy muvaffaqiyatlarga erishgan fuqarolarga beriladi.