Meksika g‘arbidagi Gerrero shtatida ro‘y bergan 5,8 magnitudali zilzila oqibatida kamida ikki kishi nobud bo‘ldi. Bu haqda «TASS» xabar bermoqda.
Erosti silkinishi Kokotitlan munisipiyasida kommunikasiyalar yotqizilayotgan transheyada o‘pirilishga sabab bo‘lgan va ikki nafar ishchi tuproq uyumi ostida qolgan. Rasmiylar zilzila sodir bo‘lgan hududda ko‘rilgan moddiy ziyon bo‘yicha ma’lumotlar olinmagani, ayni paytda vaziyatni o‘rganish uchun monitoring olib borilayotgani haqida xabar qildi.
Mamlakat milliy seysmologiya xizmatining ma’lum qilishicha, zilzila markazi San-Markos shahridan 44 kilometr uzoqlikda joylashgan.
Manba: Daryo.uz