Suriyadagi qurolli guruhlardan birining jangarilari Suriyada Rossiya vertolyoti urib tushirilganini ma’lum qildi. Jangarilarning ta’kidlashicha, vertolyot tankka qarshi raketadan o‘qqa tutilgan, deya xabar bermoqda Meduza.
Vertolyot qulagani haqida bosh qarorgohi Londonda joylashgan Suriyaning Syrian Observatory for Human Rights tashkiloti ham xabar berdi.
Mazkur axborot hozircha rasmiylar tomonidan tasdiqlangani yo‘q.
Livanning radikal kayfiyatdagi «Hizbulloh» harakati ma’lumotlariga ko‘ra, vertolyot urib tushirilmagan, balki majburiy qo‘nishni amalga oshirgan. Harakatning qayd etishicha, vertolyot bortida bo‘lganlarning hech biriga zarar etmagan.
24 noyabr kuni tongda Turkiya—Suriya chegarasida Rossiyaning Su-24 samolyoti urib tushirildi. Turkiyaning ta’kidlashicha, samolyot mamlakat havo kengliklarini buzib o‘tgan. Rossiya Mudofaa vazirligining qayd etishicha, Rossiya samolyoti Turkiya hududiga kirmagan.
Rossiya prezidenti Vladimir Putin Su-24 samolyoti qulashini «terrorchilarning sheriklari tomonidan orqadan berilgan zarba» deb atadi.