Rossiya prezidenti Vladimir Putin Eron diniy rahnamosi va etakchisi Ali Haminiy bilan bo‘lgan shaxsiy uchrashuvida unga qo‘lda yozilgan eski Qur’on kitobi sovg‘a qildi. Bu haqda Eronning IRNA agentligi ma’lumotiga asoslanib, «RBK» xabar bermoqda.
Agentlikning ma’lum qilishicha, sovg‘a Putin va Ali Hameniyning mamlakatlar o‘rtasida neft eksportiga bag‘ishlangan forumidagi uchrashuv vaqtida berilgan.
Rossiya prezidenti davlat kotibi Dmitriy Peskovning ma’lum qilishicha, Putin va Hameniy o‘rtasidagi suhbat yarim soat davom etgan. Uning so‘zlariga ko‘ra, har ikki tomon mamlakatlar o‘rtasidagi hamkorlikning turli qirralari borasida gaplashib olgan.