Eron so‘nggi kunlar ichida ikkita terrorchilik guruhini zararsizlantirdi. Bu haqda mamlakat razvedka vazirligi ma’lum qildi, deb xabar beradi «TASS».
«Eron xavfsizlik kuchlari ikkita viloyatda portlashlarni amalga oshirishni rejalashtirgan ikkita terrorchilik guruhini zararsizlantirdi», — deb vazirlik axborotiga tayanib, IRNA agentligi xabar qilmoqda.
Terrorchilik to‘dalaridan biri Sistan va Belujiston provinsiyalarining janubi-sharqida harakat qilgan. Xavfsizlik xizmati xabariga ko‘ra, terrorchilar umumiy og‘irligi 150 kilogrammdan ortiq bo‘lgan 10 ta bombani mamlakatning janubiy chegaralari yaqinida portlatishni rejalashtirgandi.
Ikkinchi terrorchilik guruhi esa G‘arbiy Ozarbayjon viloyatida qo‘lga olingan. Ulardan ko‘p sonli qurol-yarog‘ va o‘q-dorilar musodara qilingan.
Manba: Daryo.uz