Belgiyada Parijdagi teraktlarga aloqador Marokash fuqarosi 39 yoshli Laziz Abramiy hibsga olindi, deb xabar beradi «Korrespondent.net».
Qo‘lga olish chog‘ida uning avtomobilidan to‘pponcha va qon izlari topilgan. Gumonlanuvchi 25 noyabr, chorshanba kuni sud oldida hozir bo‘ladi.
Abramiyning uyida tintuv o‘tkazgan polisiya xodimlari bir nechta qurol topdi.
Kecha, 21 noyabr kuni Belgiya prokuraturasi uchinchi gumondorga nisbatan terrorizm bo‘yicha ayblov e’lon qildi. Yana ikki qo‘lga olinganga nisbatan 16 noyabr, dushanba kuni ayblov e’lon qilingan edi.
Manba: Daryo.uz