Rossiya tergov qo‘mitasi Yeles shahridagi shifoxonada yuz bergan mushtlashuv aks etgan videoni taqdim etdi. Mushtlashuvda shifokorlar jarohat olgan. Bu haqda “Daryo” xabar berdi.Videoda bir nechta yigit shifokorlarni urgan va narsalarni yerga uloqtirgan. Shundan so‘ng mushtlashuv to‘xtagan va besh kishidan iborat bu guruh, shu jumladan bir nafar qiz muassasadan chiqib ketgan.
Xabar qilinishicha, 24 yanvar kuni kechasi Yeles shahri kasalxonasiga zaharlanish shikoyati bilan tushgan bemorga birinchi reanimatsion yordam ko‘rsatish chog‘ida uning do‘stlari shifokorlarga hujum qilgan. Natijada anesteziolog shifokor bosh miya suyagidan olgan jarohat bilan shifoxonaga yotqizilgan. Bundan tashqari, reanimatsiya bo‘limi mudiri va yordam ko‘rsatayotgan hamshira jarohat olgan.