Yangi Zelandiyadagi Foks muzligida bortida etti kishi bo‘lgan vertolyot halokatga uchradi, deya xabar bermoqda «Kommersant» mahalliy OAVlarga tayanib.
Qutqaruv xizmatlariga vertolyot qulagani haqida 21 noyabr, shanba kuni mahalliy vaqt bilan 10:55 (Toshkent vaqti bilan 02:55)da xabar kelib tushgan. Qidiruv ishlari olib borish uchun to‘rtta vertolyot jo‘natilgan.
Bortda uchuvchi bilan birga etti kishi bo‘lgan. Hozircha voqea joyiga hech kim etib bora olmagani uchun ularning qanday ahvolda ekanligi noma’lum.
Halokatga atrof yaxshi ko‘rinmagani sabab bo‘lgan bo‘lishi mumkin.